Di man na Shola Ogundare wey dey 49-years-old and him wife, Olwafunmilayo Emmanuel wey dey 35-years-old.
Shola Ogundare and him wife bin dey jail for s.exual and physical abuse wey dey give one small girl and one boi. Dem report dis case give police for 2018 wey con open one investigation on dem.
Di investigation con conclude say di husband and wife wey live for Rochdale, U.K bin dey abuse di girl togeda with di young boi.
Police con arrest Shola Ogundare and him wife, Oluwafunmilayo Emmanuel and even take dem in for qweshuning. Dey plead not guilty to di charges wey dey levy against dem.
Di husband, Segun bin dey guilty of attempted rape of one child, sexual assault by penetration of one child, sexual assault by touching of one child, causing one child to watch one sexual act, cruelty to one pesin unda 16, and four counts of assault and therefore con sentence am to 15-years-imprisonment.
While di wife, Oluwafunmilayo bin dey sentenced to 4-years-imprisonment for participating in di crime and bin dey guilty of four counts of cruelty to one young pesin unda di age of 16.
“First and foremost I go like to commend di victims for dia strength to seek help and to yarn wetin don happen to dem. Both children bin demonstrate ogbonge courage throughout our investigation and dis trial, especially considering dia age.
“Abuse of dis kind often dey get long-lasting impact on victims but I sincerely hope say dey fit waka forward with dia lives – free from di fear of being abused.
“Ogundare bin subject dis pikins to one prolonged campaign of abuse. Una di pretence of punishment, he s.exually abuse one of di victims to satisfy him ogbonge repulsive desires. Throughout dis investigation, he no show remorse and di things he bin yarn to try evade justice dey beyond comprehension.
“Emmanuel also don subject di pikin to physical abuse and don also show no remorse. She don repeatedly defend Ogundare and don try discredit di victims.
“I hope today rezot go send one clear message to members of di public and offenders alike say police officers go do evri evri in dia power to see justice done, ” yarn Detective Constable Russell Clarke, of GMP’s Rochdale district.